ພິທີພົບປະແລກປ່ຽນບົດຮຽນລະຫວ່າງຫ້ອງວ່າການເມືອງຊຽງຮ່ອນ ແຂວງໄຊຍະບູລີ ກັບ ຫ້ອງວ່າການ ເມືອງຮຸນ ແຂວງອຸດົມໄຊ
![](https://xienghone.gov.la/wp-content/uploads/2023/07/WhatsApp-Image-2023-07-10-at-10.13.35-1-1024x678.jpeg)
ໃນວັນທີ 7 ກໍລະກົດ 2023ນີ້ ຢູ່ທີ່ເມືອງຊຽງຮ່ອນ ແຂວງໄຊຍະບູລີ ໄດ້ຈັດພິທີພົບປະແລກປ່ຽນບົດຮຽນລະຫວ່າງຫ້ອງວ່າການເມືອງຊຽງຮ່ອນ ແຂວງໄຊຍະບູລີ ກັບ ຫ້ອງວ່າການເມືອງຮຸນ ແຂວງອຸດົມໄຊ ພິທີໄດ້ຈັດຂື້ນຢູ່ທີ່ຫ້ອງວ່າການເມືອງຊຽງຮ່ອນ ໂດຍການໃຫ້ກຽດຕ້ອນຮັບຂອງທ່ານ ກົງທອງ ສິດທິໄຊ ເຈົ້າເມືອງໆຊຽງຮ່ອນ ພ້ອມດ້ວຍພະນັກງານຫ້ອງວ່າການເມືອງຊຽງຮ່ອນ ມີທ່ານ ບຸນຕຽມ ສຸພັນທອງ ຮອງເລຂາຄະນະບໍລິຫານງານພັກເມືອງໆຮຸນ ພ້ອມດ້ວຍພະນັກງານຫ້ອງວ່າການເມືອງຮຸນເຂົ້າຮ່ວມ.
ໃນການພົບປະໃນຄັ້ງນີ້ ທ່ານ ກົງທອງ ສິດທິໄຊ ເຈົ້າເມືອງໄດ້ສະແດງຄວາມຍື້ຍາມຖາມຂ່າວ ແລະລາຍງານສະພາບຈຸດພິເສດຂອງເມືອງຊຽງຮ່ອນ ຈາກນັ້ນ ທ່ານ ບຸນຕຽມ ສຸພັນທອງ ຮອງເລຂາພັກເມືອງເມືອງຮຸນ ໄດ້ລາຍງານສະພາບຈຸດພິເສດຂອງເມືອງຮຸນ ພ້ອມດຽວກັນນັ້ນທັງ 2 ຫ້ອງວ່າການເມືອງໄດ້ແລກປ່ຽນບົດຮຽນ ການຈັດຕັ້ງປະຕິບັດວຽກງານຫ້ອງວ່າການເຊິ່ງກັນ ແລະກັນ ຫ້ອງວ່າການເມືອງເປັນຫ້ອງການໜຶ່ງທີ່ເປັນເສນາທິການໃຫ້ການນຳເມືອງ ແລະ ບັນດາຂະແໜງການອ້ອມຂ້າງເມືອງໃນການເຄື່ອນໄຫວວຽກງານປິ່ນອ້ອມຂອງເມືອງ. ໃນໂອກາດທີ່ພົບປະແລກປ່ຽນບົດຮຽນວຽກງານຫ້ອງວ່າການໃນຄັ້ງນີ້ຍັງໄດ້ຈັດການແຂ່ງຂັນກິລາ ຟຸດຊໍ ແລະເປຕັ້ງ ທ່ຽວຊົມສະຖານທີ່ທ່ອງທ່ຽວຂອງເມືອງຊຽງຮ່ອນດ້ວຍບັນຍາກາດເບີກບານມ່ວນຊື່ນ ແລະໄມຕີຈິດມິດຕະພາບ.
![](https://xienghone.gov.la/wp-content/uploads/2023/07/WhatsApp-Image-2023-07-10-at-10.13.35-1024x678.jpeg)
![](https://xienghone.gov.la/wp-content/uploads/2023/07/WhatsApp-Image-2023-07-10-at-10.13.36-1024x678.jpeg)
![](https://xienghone.gov.la/wp-content/uploads/2023/07/WhatsApp-Image-2023-07-10-at-10.13.36-1-1024x678.jpeg)