ທີ່ຕັ້ງຂອງເມືອງຊຽງຮ່ອນ
ເມືອງຊຽງຮ່ອນ ຕັ້ງຢູ່ທິດຕາເວັນຕົກສຽງເໜືອຂອງແຂວງໄຊຍະບູລີ ຫ່າງຈາກເທດສະບານແຂວງ ປະມານ 190 ກິໂລແມັດ. ທິດຕາເວັນອອກຕິດກັບເມືອງເງິນ, ທິດຕາເວັນຕົກຕິດກັບເມືອງຄອບ, ທິດເໜືອຕິດກັບ ເມືອງປາກແບງ ແຂວງອຸດົມໄຊ ແລະ ເມືອງປາກທາ ແຂວງບໍ່ແກ້ວ, ທິດໃຕ້ຕິດກັບອໍາເພີທົ່ງຊ້າງ ແລະ ອຳເພີສອງແຄວ ຈັງຫວັດນ່ານ ຣາຊະອານາຈັກໄທ ດ້ວຍດິນຕໍ່ແຜ່ນ ມີຄວາມຍາວ 65 ກິໂລແມັດ
ພູມສັນຖານ
ທົ່ວເມືອງມີເນື້ອທີ່ທັງໝົດ 1.285 ຕາຕະລາງກິໂລແມັດ, ພູດອຍກວມເອົາ 80%, ປະກອບມີ 43 ບ້ານ, ແບ່ງອອກເປັນ : 14 ບ້ານເຂດເທດສະບານ, 8 ບ້ານ ເຂດທົ່ງກາບ, 6 ບ້ານເຂດມົກສະຕຸ, 6 ບ້ານເຂດລາວສະໂນ ແລະ 8 ບ້ານ ກຸ່ມບ້ານປາກເປັດ ແລະ 2 ບ້ານຈຸດສຸມພັດທະນາ.
