ກອງບັນຊາການ ປກສ ເມືອງຊຽງຮ່ອນເປິດບັ້ນດໍາເນີນຊີວິດການເມືອງທົ່ວກໍາລັງປ້ອງກັນຄວາມສະຫງົບເມືອງປະຈໍາປີ 2023

ໃນຕອນເຊົ້າຂອງວັນທີ 04 ມີນາ 2024ກອງບັນຊາການ ປກສ ເມືອງຊຽງຮ່ອນໄດ້ເປິດບັ້ນດໍາເນີນຊີວິດການເມືອງທົ່ວກໍາລັງປ້ອງກັນຄວາມສະຫງົບເມືອງ ປະຈໍາປີ 2023 ຂອງຕົນຂື້ນຢ່າງເປັນທາງການຢູ່ທີ່ຫ້ອງປະຊຸມຂອງກອງບັນຊາການ ປກສ ເມືອງໂດຍການເປັນປະທານຂອງທ່ານ ພັທ ໄຊຄໍາ ຄອງຕີ ກໍາມະການພັກເມືອງ,ເລຂາຄະນະພັກຮາກຖານ,ຫົວໜ້າກອງບັນຊາການ ປກສ ເມືອງ,ມີຄະນະພັກ,ຄະນະບັນຊາ,ຕະຫຼອດຮອດນາຍ ແລະ ພົນຕໍາຫຼວດເຂົ້າຮ່ວມຢ່າງພ້ອມພຽງ.ໃນບັ້ນດໍາເນີນຊີວິດການເມືອງໃນຄັ້ງນີ້ໄດ້ນຳເອົາເອກະສານຕ່າງໆມາຈັດຕັ້ງເຊື່ອມຊຶມມີ 03 ເອກະສານຄື:ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບ ປະຊາຊົນ,ເອກະສານຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕຳຫຼວດໃນໄລຍະໃໝ່ ແລະ ເອກະສານຈັນຍາບັນຂອງນາຍ ແລະ ພົນຕຳຫຼວດ ພາຍຫຼັງຈັດຕັ້ງເຊື່ອມຊືມບັນດາເອກະສານຕ່າງໆແລ້ວແມ່ນໄດ້ດໍາເນີນຊີວິດການເມືອງຢູ່ໃນຄະນະພັກຮາກຖານຈໍານວນ 07ສະຫາຍ ແລ້ວໄດ້ສຶບຕໍ່ດໍາເນີນຊີວິດການເມືອງຢູ່ໃນໜ່ວຍພັກຕາມການຈັດແບ່ງໜ່ວຍພັກ06ໜ່ວຍເພື່ອສໍາຫຼວດກວດກາ,ຕີລາຄາແບ່ງປະເພດຕາມລະບຽບຫຼັກການ ເຊິ່ງມີບັນຍາກາດຝົດຝືນພໍສົມຄວນ ການເປີດບັ້ນດໍາເນີນຊີວິດໃນຄັ້ງນີ້ໄດ້ດໍາເນີນເປັນເວລາ 02 ວັນເຕັມ ( ແຕ່ວັນທີ 04 – 05 ມີນາ 2024 ). ຮອດຕອນບ່າຍເວລາ 14 ໂມງ 00 ນາທີ ຂອງວັນທີ 05 ມີນາ 2024 ຈຶ່ງໄດ້ປິດບັ້ນດໍາເນີນຊີວິດການເມືອງ ໃນທົ່ວກໍາລັງປ້ອງກັນຄວາມສະຫງົບເມືອງໂດຍການເປັນປະທານຂອງທ່ານ ພັທ ໄຊຄໍາ ຄອງຕີ ກໍາມະການພັກເມືອງ,ເລຂາຄະນະພັກຮາກຖານ,ຫົວໜ້າກອງບັນຊາການ ປກສ ເມືອງ,ມີຄະນະພັກ,ຄະນະບັນຊາ,ສະມາຊິກພັກນາຍ ແລະ ພົນຕໍາຫຼວດເຂົ້າຮ່ວມຢ່າງພ້ອມພຽງ.ໃນພິທີ ທ່ານ ພັທ ພອນໄຊ ອຸ່ນວິໄລ ຄະນະພັກຮາກຖານ,ຮອງກອງບັນຊາການ ປກສ ເມືອງ ໄດ້ຜ່ານບົດສະຫຼຸບບັ້ນດໍາເນີນຊີວິດການເມືອງທົ່ວກໍາລັງປ້ອງກັນຄວາມສະຫງົບເມືອງ ປະຈໍາປີ 2023.ໃນພິທີປິດຍັງໄດ້ຈັດຕັ້ງຜັນຂະຫຍາຍເນື້ອໃນກອງປະຊຸມປະຈໍາປີ 2023 ແລະ ທິດທາງແຜນການປີ 2024 ຂອງກອງບັນຊາການ ປກສ ແຂວງໄຊຍະບູລີ ແລະ ເຜີຍແຜ່ນິຕິກໍາຕື່ມຈໍານວນໜື່ງ.