ສ້າງຄວາມເຂັ້ນແຂງໃຫ້ອົງການປົກຄອງເມືອງ ແລະ ບ້ານ ຕ້ານໂຄວິດ 19

ກົດແຊຣ໌

ຊຸດຝຶກອົບຮົມສ້າງຄວາມເຂັ້ມແຂງ ໃຫ້ອົງການປົກຄອງເມືອງ ແລະ ອົງການປົກຄອງບ້ານພາຍໃນເມືອງຊຽງຮ່ອນ ແຂວງໄຊຍະບູລີ ໃນການປ້ອງກັນ ແລະ ຕອບໂຕ້ ພະຍາດໂຄວິດ-19 ໄດ້ຈັດຂື້ນໃນລະຫວ່າງວັນທີ 16-17 ມີນາ 2021 ນີ້ ຢູ່ທີ່ສະໂມສອນຂອງເມືອງ ໂດຍການເປັນກຽດເຂົ້າຮ່ວມ ຂອງທ່ານ ອິນຕາ ນິ້ມນວນ ຮອງເລຂາຄະນະບໍລິຫານງານພັກເມືອງຊຽງຮ່ອນ ມີທ່ານ ອານຸລັກ ລິນທະວົງ ຮອງຫົວໜ້າພະແນກ ພາຍໃນ ແຂວງໄຊຍະບູລີ ມີບັນດາອົງການປົກຄອງເມືອງ, ວິທະຍາກອນຈາກຂັ້ນແຂວງ ອົງການປົກຄອງບ້ານ ແລະ ຄະນະຮັບຜິດຊອບຈັດຊຸດຝຶກອົບຮົມເຂົ້າຮ່ວມ.

ໃນຊຸດຝຶກອົບຮົມຄັ້ງນີ້ສຳມະນາກອນຈະໄດ້ຮຽນຮູ້ຄວາມຮູ້ພື້ນຖານກ່ຽວກັບພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ ຫຼື ໂຄວິດ 19, ການຈັດຕັ້ງປະຕິບັດວຽກງານການຕ້ານ ແລະ ສະກັດກັ້ນການລະບາດ ພະຍາດໂຄວິດ-19 ຢູ່ຂັ້ນແຂວງ ແລະ ຂັ້ນເມືອງໃນໄລຍະຜ່ານມາ, ຮັບຟັງແຜນພັດທະນາວຽກງງານຮັກສາສຸຂະພາບຂັ້ນຕົ້ນຂອງແຂວງ ແລະ ພ້ອມກັນສ້າງແຜນຈຳລອງຮັບມືຖ້າຫາກວ່າມີການເກີດການລະບາດພະຍາດດັ່ງກ່າວຢູ່ພາຍໃນເມືອງ ໂດຍອິງໃສ່ 6 ແຜນວຽກຄື: ວຽກທີ່ຈະໄດ້ຈັດຕັ້ງປະຕິບັດ, ຜູ້ຮັບຜິດຊອບແຕ່ລະຂັ້ນ, ວິທີແກ້ໄຂ, ກຳນົດເວລາ, ແຫຼ່ງງົບປະມານ ແລະ ສິ່ງທ້າທາຍ. ຈຸດປະສົງໃນການຈັດຊຸດຝຶກອົບຮົມໃນຄັ້ງນີ້ ກໍ່ເພື່ອເປັນການສ້າງຂີດຄວາມສາມາດໃຫ້ອົງການປົກຄອງເມືອງ ແລະ ບ້ານມີຄວາມເຂັ້ມແຂງ ດ້ານວິຊາການເພື່ອຕອບໂຕ້ກັບການລະບາດຂອງພະຍາດໂຄວິດ 19 ຂັ້ນເມືອງ ແລະ ຂັ້ນບ້ານໃຫ້ມີປະສິດທິພາບ ປະສິດທິຜົນ ແລະ ແນໃສ່ໃຫ້ມີຜົນກະທົບໜ້ອຍທີ່ສຸດຕໍ່ວຽກງານເສດຖະກິດ-ສັງຄົມ.


ກົດແຊຣ໌

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້