ທົ່ວເມືອງໄດ້ຮັບການເຜີຍແຜ່ຜົນສຳເລັດກອງປະຊຸມຄັ້ງປະຖົມມະລືກຂອງສະພາແຫ່ງຊາດ
ໃນວັນທີ 22 ມິຖຸນາ 2021 ນີ້, ສະມາຊິກສະພາແຫ່ງຊາດ ຊຸດທີIX ແລະ ສະມາຊິກສະພາປະຊາຊົນແຂວງ ຊຸດທີ II ໄດ້ນໍາເອົາເນື້ອໃນຈິດໃຈຂອງກອງປະຊຸມຄັ້ງປະຖົມມະລືກ ມາເຜີຍແຜ່ ແລະ ພົບປະຜູ້ມີສິດເລືອກຕັ້ງຢູ່ 3 ຈຸດຂອງເມືອງຊຽງຮ່ອນ ຄື: ຈຸດສະໂມສອນຂອງເມືອງ, ຈຸດບ້ານມົກສະຕຸ, ແລະ ຈຸດບ້ານປົ່ງແປ້ນ ເຊິ່ງນໍາໂດຍ ທ່ານ ບຸນລ້ວນ ຊົມສີຫາປັນຍາ ສະມາຊິກສະພາແຫ່ງຊາດ ຊຸດທີ IX ຮອງປະທານສະພາປະຊາຊົນແຂວງ ຊຸດທີII ແຂວງໄຊຍະບູລີ ພ້ອມດ້ວຍຄະນະ ໃຫ້ກຽດເຂົ້າຮ່ວມ ມີບັນດາ ກຳມະການປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານຫຼັກແຫຼ່ງຂອງເມືອງພ້ອມດ້ວຍປະຊາຊົນບັນດາເຜົ່າເຂົ້າຮ່ວມຮັບຟັງຢ່າງພ້ອມພຽງ.
ໃນໂອກາດທີ່ທາງຄະນະຍັງໄດ້ຮັບການລາຍງາຍວຽກງານໂດຍຫຍໍ້ຂອງທ່ານ ກົງທອງ ສິດທິໄຊ ວ່າການເຈົ້າເມືອງຊຽງຮ່ອນ ໃນໄລຍະຜ່ານມາຂອງເມືອງຊຽງຮ່ອນ ຫຼັງຈານນັ້ນ ສະມາຊິກສະພາແຫ່ງຊາດ ກໍໄດ້ຜັດປ່ຽນກັນຂຶ້ນລາຍງານເຜີຍແຜ່ຜົນສຳເລັດຂອງກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ IX ແລະ ກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງ ຊຸດທີII ໃນກອງປະຊຸມໄດ້ຮັບຟັງການລາຍ, ຄົ້ນຄ້ວາ ແລະພິຈາລະນາຮັບຮອງເອົາບັນຫາສໍາຄັນຕ່າງໆ ຄື: ຮັບຮອງເອົາໂຄງປະກອບກົງຈັກ ແລະ ບຸກຄະລາກອນຂອງສະພາແຫ່ງຊາດ ຊຸດທີ IX; ຮັບຮອງເອົາການເລືອກຕັ້ງ ປະທານປະເທດ ແລະ ຮອງປະທານປະເທດ; ຮັບຮອງເອົາໂຄງປະກອບ ແລະ ບຸກຄະລາກອນຂອງລັດຖະບານ; ຮັບຮອງເອົາບົດລາຍງານຂອງລັດຖະບານ ກ່ຽວກັບການສະຫຼຸບຕີລາຄາການຈັດຕັ້ງປະຕິບັດ ແຜນພັດທະນາເສດຖະ ກິດ-ສັງຄົມແຫ່ງຊາດ 5 ປີຄັ້ງທີ VIII (2016-2020) ແລະ ທິດທາງແຜນການພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີIX (2021-2025); ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນງົບປະມານແຫ່ງລັດຂອງແຂວງ.5 ປີ(2016-2020) ແລະ ທິດທາງ ແຜນງົບປະມານແຫ່ງລັດ 5 ປີ(2021-2025); ຮັບຮອງເອົາບົດສະຫຼຸບການເຄື່ອນໄຫວວຽກງານ 5 ປີ (2016-2020) ແລະ ທິດທາງ ແຜນການເຄື່ອນໄຫວວຽກງານ 5 ປີ(2021-2025) ຂອງອົງການກວດສອບແຫ່ງລັດ; ຮັບຮອງເອົາບົດສະຫຼຸບການເຄື່ອນໄຫວວຽກງານ 5 ປີ(2016-2025) ແລະ ທິດທາງ ແຜນການເຄື່ອນໄຫວວຽກງານ 5 ປີ (2021-2025) ຂອງອົງການກວດກາແຫ່ງລັດ
ຫຼັງຈາກນັ້ນໃນຕອນທ້າຍກອງປະຊຸມຍັງໄດ້ມີການແລກປຽນຄວາມຄິດເຫັນພ້ອມທັງໃຫ້ຜູ້ມີສິດເລືອກຕັ້ງສະເໜີຕໍ່ຜູ້ແທນ ພ້ອມທັງປັບປຸງແກ້ໄຂຮ່ວມກັນ ອັນໃດທີ່ຍັງເຫັນວ່າບໍ່ສາມາດແກ້ໄຂ້ກັບທີ່ໄດ້ທາງຄະນະຈະນໍາຄໍາສະເໜີດັ່ງກ່າວມາສະເໜີຕໍ່ພາກສ່ວນກຽ່ວຂ້ອງເພື່ອໄດ້ຮັບການປັບປຸງແກ້ໄຂ້ດ້ວຍໄວ.