ຄະນະຊີ້ນຳການສຳຫຼວດກະສິກຳທົ່ວປະເທດຄັ້ງທີ III ໄດ້ລົງຕິດຕາມ ແລະ ຊຸກຍູ້ນັກເດີນສຳຫຼວດຢູ່ເມືອງຊຽງຮ່ອນ ເຊິ່ງນຳພາໂດຍທ່ານ ຮອງສາດສະດາຈານ ລິນຄຳ ດວງສະຫວັນ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ພ້ອມດ້ວຍທີມງານ.

ເພື່ອເປັນການຜັນຂະຫຍາຍ ຂໍຕົກລົງ ຂອງກອງທັບປະຊາຊົນລາວ ສະບັບ ເລກທີ 459/ ກປທ ວ່າດ້ວຍການລົງກໍ່ສ້າງຮາກຖານການເມືອງຕາມມູນເຊື້ອ ແລະ ແຮກສ່ຽວລະຫວ່າງ ກອງທັບກັບ  ປະຊາຊົນ ໃຫ້ປະຜົນເປັນຈິງ ດັ່ງນັ້ນ ກອງບັນຊາການທະຫານເມືອງຊຽງຮ່ອນ ແຂວງໄຊຍະບູລີ ໄດ້ພິທີແຮກສ່ຽວກັບ ອຳນາດການປົກຄອງ ແລະ ປະຊາຊົນ ບ້ານຄໍ້າ ເມືອງຊຽງຮ່ອນ ຂື້ນໃນວັນທີ 9 ທັນວາ 2020 ນີ້ຢູ່ທີ່ບ້ານຄໍ້າ ໂດຍການເປັນປະທານຂອງທ່ານ ພັທ ສົມຊາຍ ພອນປະດິດ ຄະນະປະຈຳພັກເມືອງ ເລຂາຄະນະພັກ ຫົວໜ້າການເມືອງກອງບັນຊາການທະຫານເມືອງຊຽງຮ່ອນ ເປັນກຽດເຂົ້າຮ່ວມຂອງ ທ່ານ ບຸນລ້ວນ ຊົມສີຫາປັນຍາ ເລຂາຄະນະບໍລິຫານງານພັກເມືອງເຈົ້າເມືອງໆຊຽງຮ່ອນ ມີຄະນະພັກຄະນະບັນຊາ ນາຍ ແລະ ພົນທະຫານ ອຳນາດການປົກຄອງບ້ານ ແຂກຖືກເຊີນ ຕະຫຼອດຮອດປະຊາຊົນພາຍໃນບ້ານເຂົ້າຮ່ວມ.

ເມືອງຊຽງຮ່ອນ ແຂວງໄຊຍະບູລີ ໄດ້ຈັດພິທີໂຮມຊຸມນຸມສະເຫຼີມສະຫຼອງ 2 ວັນສຳຄັນຂອງຊາດຄື: ວັນຊາດທີ 2 ທັນວາ ຄົບຮອບ 45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ພິທີໄດ້ຈັດຂື້ນໃນວັນທີ 2 ທັນວາ 2020 ນີ້ ຢູ່ທີ່ເດີ່ນກິລາເມືອງ ໂດຍການເປັນກຽດປາຖະກະຖາຂອງທ່ານ ອິນຕາ ນິ້ມນວນ ຮອງເລຂາຄະນະບໍລິຫານງານພັກເມືອງ ມີບັນທ່ານດາທ່ານ ຄະນະປະຈຳພັກເມືອງ ພັກກຳມະການພັກເມືອງ ພະນັກງານ ທະຫານ ຕຳຫຼວດ ອຳນາດການປົກຄອງບ້ານ ນັກຮຽນ ນັກສຶກສາ ຊາວໜຸ່ມ ເຍົາວະຊົນ ຕະຫອດຮອດປະຊາຊົນ 14 ບ້ານເທດສະບານເຂົ້າຮ່ວມຢ່າງພ້ອມພຽງ.