ຜູ້ເຂົ້າຍ້ຽມຊົມ

0021859
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
63
610
2329
17348
7971
9632
21859

Your IP: 18.207.108.182
2021-01-23 01:46

ມີ 34  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຍິນດີສໍາພັດຄວາມຫລາກຫລາຍແຫລ່ງທ່ອງທ່ຽວ ແລະ ວັດທະນະທໍາອັນຊົງຄຸນຄ່າຢູ່ທີ່ເມືອງຊຽງຮ່ອນ.

ເທດສະບານເມືອງ

ເມືອງຊຽງຮ່ອນ​ ແຂວງໄຊຍະບູລີ.​ ເປັນເຂດດິນດໍານໍ້າໃສ ມີປ່າໄມ້ປົກຄຸມຂຽວສະອູ້ມຕະຫລອດປີ​ ເມືອງຊຽງຮ່ອນຫ່າງຈາກເທດສະບານແຂວງໄຊຍະບູລີທາງທິດຕາເວັນຕົກສ່ຽງເໜືອປະມານ 190​ ກິໂລແມັດ ມີ​ 42​ ບ້ານ,​ 6.​786 ຄອບຄົວ,​ ພົນລະເມືອງ​ 34.627 ຄົນ,​ຍິງ​ 17.076 ຄົນ.​ ມີ​ 6 ເຜົ່າ,​ ເຜົ່າກຶມມຸ ກວມເອົາ​ 31,​83%ເຜົ່າລື້ ກວມເອົາ 26,9%ເຜົ່າຍວນ ກວມເອົາ20 9%ເຜົ່າມົ້ງ ກວມເອົາ​ 12,18%ເຜົ່າໄປຣ່ ກວມເອົາ4,28%ເຜົ່າລາວ ແລະ​ເຜົ່າອື່ນໆ ກວມເອົາ 3,69%.​ອາຊີບສ່ວນໃຫຍ່ຂອງຊາວກະສິກອນ ແມ່ນປູກຝັງ,​ ລ້ຽງສັດ​ ແລະ​ ບໍລິການຈໍານວນໜຶ່ງ.​

ອິງໃສ່ທ່າແຮງໃນການພັດທະນາວຽກງານທ່ອງທ່ຽວກໍ່ແມ່ນໜຶ່ງໃນບົດບາດທີ່ສໍາຄັນຕໍ່ການພັດທະນາເມືອງຊຽງຮ່ອນ ເຊິ່ງແຫລ່ງທ່ອງທ່ຽວທາງດ້ານທໍາມະຊາດ ແລະ​ ວັດທະນະທໍາທີ່ສຳຄັນລໍຖ້າການມາແອ່ວຢາມຂອງນັກທ່ອງທ່ຽວເຊັ່ນ ພະທາດຊຽງລົມເປັນພະທາດເກົ່າແກ່ດວງໜຶ່ງຂອງແຂວງໄຊຍະບູລີ ສ້າງຂຶ້ນເມື່ອ ຄສ 1503 ຈສ 865 ໃຊ້ດິນທີ່ຂຸດມາຈາກໜອງສ້າງ ປະຈຸບັນປ່ຽນຊື່ເປັນໜອງຊາງມາປັ້ນດິນຈີ່ເພື່ອກໍ່ສ້າງພະທາດຕັ້ງສະຫງ່າຢູ່ບ້ານທາດໃຈກາງເມືອງຕິດພັນກັບພຣະປາງປະທານພອນ ພຸດທະປາລະມີສີຊຽງຮ່ອນ,​ ຮອຍຕີນພະບາດຢູ່ວັດບ້ານລັບ,​ ຖໍ້າອຸຕຸມຄໍາບ້ານຂິ່ງ,​ຖໍ້າເສົາຫີນພັນປີ ບ້ານປົ່ງ,​ ຖໍ້ານໍ້າລອດຮູບ້ານກູກແກ້ວ,​ ຖໍ້າທະນີ ບ້ານນາອອນ,​ຖໍ້ານໍ້າຄ່ອມ ຂຸນແມ່ນໍ້າຄ່ອມ, ນໍ້າຕົກຕາດຫ້ວຍສະເຄັງ ເຂດມົກສະຕຸ,​ ນໍ້າຕົກຕາດຫ້ວຍແລ ເຂດກຸ່ມປາກເປັດ,​ ແຫລ່ງທ່ອງທ່ຽວຫາດໄຊມັງກອນລ່ອງເຮືອລໍານໍ້າງື່ມ,​ນັ່ງຊົມວິວທີ່ຮ້ານອາຫານລານນາ ແລະ​ ນັ່ງລໍຖ້າຊົມອັດສະດົງລົງແລງທີ່ອ່າງນໍ້າມ່າວ ບ້ານແກ່ນ.​

ສໍາພັດອາກາດໜາວໄດ້ໃນລະດູໜາວນີ້ພວກເຮົາຍັງມີສິ່ງອຳນວຍຄວາມສະດວກເຊັ່ນມີ ເຮືອນພັກສະອາດ 9 ແຫ່ງ,​ 145 ຫ້ອງນອນ ມີທັງຕຽງດ່ຽວ ຕຽງຄູ່ໄວ້ບໍລິການ. ມີຮ້ານອາຫານທີ່ແຊບຊ້ອຍ ຄົນຍວນເອີ້ນວ່າ ອາຫານປື້ນບ້ານລໍາໆ 4 ແຫ່ງ,​ ຮ້ານບັນເທິງຄາລາໂອເກະ ອີກຈໍານວນໜຶ່ງ,​ມີສະລອຍນໍ້າ ສວນນໍ້າບ້ານທາດ ແລະ​ ທ່ຽວຊົມວິຖີຊີວິດຂອງປະຊາຊົນບັນດາເຜົ່າ ກິນເຂົ້າກໍ່າຕໍາຫວາຍຂົມ ສົມກັບຄໍາຂວັນ ອັນວ່າ ຊຽງຮ່ອນຜືນນາກວ້າງ ອຸດົມງາມທໍາມະຊາດ ອົງອາດພະທາດຊຽງລົມ ສຸກສົມປອງສຽງຊໍ-ຈ້ອຍຍວນ.

 

ບົດ ​ແລະ​ ພາບ​ ຈ​ ບ່າວຍວນ

ທີ່ມາ: FB: Bounchanh Keovisa

ສະຫງວນລິຂະສິດ ©  2020, ເມືອງຊຽງຮ່ອນ ແຂວງໄຊຍະບູລີ.
ໂທ / ແຟັກ : 074 810003 .