ຜູ້ເຂົ້າຍ້ຽມຊົມ

0027696
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
58
108
787
25607
581
4140
27696

Your IP: 3.238.36.32
2021-03-04 09:31

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງຊຽງຮ່ອນສຳເລັດການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II

อาจเป็นรูปภาพของ หนึ่งคนขึ้นไป และผู้คนกำลังยืน
ເມືອງຊຽງຮ່ອນ ແຂວງໄຊຍະບູລີ ໄດ້ເປີດການປ່ອນບັດເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຂັ້ນແຂວງຊຸດທີ II ຂື້ນໃນວັນທີ 21 ກຸມພາ 2021 ນີ້ ໂດຍໄດ້ເຕົ້າໂຮມເອົາ ຜູ້ມີສິດປ່ອນບັດເລືອກຕັ້ງທົ່ວເມືອງ ເຂົ້າຮ່ວມພິທີປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ 7 ແຂວງໄຊຍະບູລີ ແລະ ສະພາປະຊາຊົນຂັ້ນແຂວງ ຊຸດທີ II ເຂດເລືອກຕັ້ງເມືອງຊຽງຮ່ອນ
อาจเป็นรูปภาพของ 4 คน, ผู้คนกำลังยืน และกลางแจ้ง
ພິທີໄດ້ເລີ່ມແຕ່ເວລາ 7 ເຊົ້າຂອງວັນທີ 21 ກຸມພາ 2021 ໂດຍຄະນະຮັບຜິດຊອບ ການປ່ອນບັດເລືອກຕັ້ງໄດ້ກ່າວໄຂພິທີຢ່າງເປັນທາງການ ແລະ ແນະນຳການປ່ອນບັດເລືອກຕັ້ງ ຈາກນັ້ນຜູ້ມີສິດປ່ອນບັດເລືອກຕັ້ງໄດ້ພ້ອມກັນໃຊ້ສິດປະຊາທິປະໄຕຂອງຕົນ ເຂົ້າໃນການເລືອກຕັ້ງຢ່າງເຕັມສ່ວນ. ສຳລັບຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ມີຈໍານວນ 12 ທ່ານ, ຍິງ 2 ທ່ານ, ເລືອກເອົາ 9 ທ່ານ ແລະ ຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນຂັ້ນແຂວງ ເຂດເລືອກຕັ້ງເມືອງຊຽງຮ່ອນ ຈຳນວນ 5 ທ່ານ, ຍິງ 2 ທ່ານ, ເລືອກເອົາ 3 ທ່ານ.
ເມືອງຊຽງຮ່ອນ ປະກອບມີ 42 ບ້ານ, ມີ 47 ໜ່ວຍເລືອກຕັ້ງ: ໃນນີ້ບ້ານ 42 ໜ່ວຍ ແລະ ກໍາລັງປະກອບອາວຸດ 5 ໜ່ວຍ, ຜູ້ມີສິດປ່ອນບັດເລືອກຕັ້ງທີ່ໄດ້ຂຶ້ນສຳມະໂນຄົວ ທັງໝົດ 22.755 ຄົນ; ຍິງ 11.153 ຄົນ. ໃນນີ້, ຜູ້ມີສິດທີ່ສາມາດເລືອກຕັ້ງຢູ່ໜ່ວຍປ່ອນບັດເລືອກຕັ້ງບ້ານຂອງຕົນ ທັງໝົດ 20.182 ຄົນ; ຍິງ 10.054 ຄົນ. ບັນຍາກາດການປ່ອນບັດເລືອກຕັ້ງພາຍໃນເມືອງ ຊຽງຮ່ອນ ແມ່ນໄດ້ດໍາເນີນໄປດ້ວຍບັນຍາກາດອັນຄຶກຄື້ນ, ມ່ວນຊື່ນ ເຕັມໄປດ້ວຍຄວາມໝາຍຄວາມສຳຄັນ, ມີຄວາມສາມັກຄີ, ຖືກຕ້ອງຕາມວິທີການ, ຂັ້ນຕອນ, ລະບຽບ ແລະ ກົດໝາຍຂອງການເລືອກຕັ້ງວາງອອກ. ມາຮອດປະຈຸບັນການປ່ອນບັດເລືອກຕັ້ງຢູ່ເມືອງຊຽງຮ່ອນແມ່ນໄດ້ສຳເລັດແລ້ວ 100% ເຊິ່ງທົ່ວເມືອງມີຜູ້ມີສິດປ່ອນບັດຕົວຈິງ ທັງໝົດ 20.182 ຄົນ; ຍິງ 10.054 ຄົນ ໃນນັ້ນມີຜູ້ມາໃຊ້ສິດຕົວຈິງ ຈຳນວນ 20.182 ຄົນ; ຍິງ 10.054 ຄົນ ເທົ່າກັບ 100% ພ້ອມນີ້ຍັງຮັບປະກັນໄດ້ 400%ຄື: ຜູ້ມີສິດໄປໃຊ້ສິດ 100%, ຮັບປະກັນບໍ່ໃຫ້ມີບັດຕາຍ 100%, ຮັບປະກັນຄວາມສະຫງົບ 100% ແລະ ລາຍງານວ່ອງໄວແລະ ຊັດເຈນ 100% .
ໂດຍ ດອນ ຂຽວພະນາ
 

ສະຫງວນລິຂະສິດ ©  2020, ເມືອງຊຽງຮ່ອນ ແຂວງໄຊຍະບູລີ.
ໂທ / ແຟັກ : 074 810003 .