ຜູ້ເຂົ້າຍ້ຽມຊົມ

0027691
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
53
108
782
25607
576
4140
27691

Your IP: 3.238.36.32
2021-03-04 08:39

ມີ 16  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງຊຽງຮ່ອນຈັດພິທີປາຖະກະຖາວັນສ້າງຕັ້ງກອງທັບ ຄົບຮອບ 72 ປີ

          ຕອນເຊົ້າເວລາ 6 ໂມງ ຂອງວັນທີ ວັນທີ 19 ມັງກອນ 2021 ນີ້ຢູ່ທີ່ອານຸສາວະລີ-ນັກຮົບນິລະນາມ ແລະ ອານຸສອນສະຖານ ປະທານ ໄກສອນ ພົມວິຫານ ອົງການປົກຄອງເມືອງຊຽງຮ່ອນ ແຂວງໄຊຍະບູລີ ໄດ້ພ້ອມກັນວາງພວງມາລາ ແລະ ກະຕ່າດອກໄມ້ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 72 ປີ ທີ່ໝູນມາບັນຈົບຄົບຮອບອີກວາລະໜື່ງ ແລະ ໃນໂອກາດດຽວກັນກໍ່ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 72 ປີ ໂດຍມີທ່ານ ບຸນລ້ວນ ຊົມສີຫາປັນຍາ ເລຂາຄະນະບໍລິຫານງານພັກເມືອງເຈົ້າເມືອງໆຊຽງຮ່ອນ ,ມີຄະນະປະຈຳພັກເມືອງ ກຳມະການພັກເມືອງ, ຫົວໜ້າຫ້ອງການ, ຄະນະພັກຄະນະບັນຊາ, ພະນັກງານຫລັກແຫຼ່ງ ຕະຫລອດຮອດ ການຈັດຕັ້ງບ້ານເຂົ້າຮ່ວມ .

 

      ໃນພິທີທ່ານ ບຸນລ້ວນ ຊົມສີຫາປັນຍາ ກໍາມະການພັກແຂວງ  ເລຂາຄະນະບໍລິຫານງານພັກເມືອງ ເຈົ້າເມືອງໆຊຽງຮ່ອນ ໄດ້ເລົ່າປະຫວັດຄວາມເປັນມາ, ຄວາມໝາຍຄວາມສຳຄັນ, ຜົນງານ ແລະ ມູນເຊື້ອຂອງກອງທັບປະຊາຊົນລາວ ໃນໄລຍະຜ່ານມາ, ພາຍໃຕ້ການຊີ້ນຳ ນຳພາອັນປີຊາສາມາດ ແລະ ສະຫຼາດສ່ອງໃສ ຂອງພັກປະຊາຊົນປະຕິວັດລາວ, ເຊິ່ງໄດ້ເຮັດໃຫ້ກອງທັບ ໄດ້ເຕີບໃຫຍ່ຂະຫຍາຍຕົວ ແລະ ເຂັ້ມແຂງຢ່າງຕໍ່ເນື່ອງ ທັງດ້ານປະລິມານ ແລະ ຄຸນນະພາບ, ໂດຍຜ່ານການເຝິກຝົນຫລໍ່ຫຼອມ ແລະ ທົດສອບ ໃນແປວໄຟຂອງສົງຄາມຕໍ່ສູ້ເພື່ອຍາດເອົາເອກະລາດແຫ່ງຊາດ ກອງທັບປະຊາຊົນລາວໄດ້ສ້າງວິລະກຳອັນລ້ຳເລີດ ສ້າງປະຫວັດສາດ ໃນຍຸກໃໝ່ ແລະ  ມູນເຊື້ອວິລະຊົນ ຂອງຊາດລາວ ວິລະຊົນຢ່າງສະຫງ່າງາມ.
ຜ່ານໄລຍະ 72 ປີ ກອງທັບປະຊາຊົນລາວ ໄດ້ເຮັດພາລະກິດປົດປ່ອຍຊາດ ກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຜ່ານແປວໄຟແຫ່ງສົງຄາມຕໍ່ສູ້ເພື່ອປົດປ່ອຍປະເທດຊາດຢ່າງລະອິດລະອ້ຽວ, ຈົນພາໃຫ້ເກີດມີວິລະຊົນ ນັກຮົບແຂ່ງຂັນຫຼາຍຮ້ອຍຫຼາຍພັນຄົນໃນໄລຍະຕໍ່ມາ ສະນັ້ນຈຶ່ງເວົ້າໄດ້ວ່າ ກອງທັບປະຊາຊົນລາວ ແມ່ນສົມແລ້ວທີ່ເປັນກອງທັບວິລະຊົນແຫ່ງຊາດລາວວິລະຊົນຢ່າງແທ້ຈິງ. ຈົນສາມາດຍາດໄດ້ເອກະລາດ ແລະ ສະຖາປະນາ ສປປ ລາວ ໃນວັນທີ 2 ທັນວາ ປີ 1975.

 

 

 

ສະຫງວນລິຂະສິດ ©  2020, ເມືອງຊຽງຮ່ອນ ແຂວງໄຊຍະບູລີ.
ໂທ / ແຟັກ : 074 810003 .