ຜູ້ເຂົ້າຍ້ຽມຊົມ

0021866
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
70
610
2336
17348
7978
9632
21866

Your IP: 18.207.108.182
2021-01-23 02:05

ມີ 41  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເປັນປີທີ 5 ແລ້ວທີ່ບໍລິສັດ ໄຟຟ້າຫົງສາ ຈຳກັດມອບເງິນໃຫ້ອຳນາດປົກຄອງບ້ານເຂົ້າໃນການພັດທະນາຊຸມຊົນຢູ່ເມືອງຊຽງຮ່ອນ

       ໃນວັນທີ 24 ທັນວາ 2020ນີ້ ຢູ່ທີ່ຫ້ອງວ່າການປົກຄອງເມືອງຊຽງຮ່ອນ ແຂວງໄຊຍະບູລີ ບໍລິສັດ ໄຟຟ້າຫົງສາ ຈຳກັດ ໄດ້ຈັດພິທີ ມອບເງິນຄ່າ ຄຸ້ມຄອງ, ປົກປັກຮັກສາ ເຂດກ້ອງແລວສາຍສົ່ງ 500 ກິໂລໂວນຂອງ ບໍລິສັດ ໄຟຟ້າຫົງສາ ຈຳກັດ ງວດທີ II ໃຫ້ອຳນາດການປົກຄອງບ້ານ 16 ບ້ານ ພາຍໃນເມືອງຊຽງຮ່ອນ ໂດຍການມອບຂອງທ່ານ ຄົມເພັດ ແກ້ວພິລາ ຕາງໜ້າ ບໍລິສັດ ໄຟຟ້າຫົງສາ ຈຳກັດ ແລະ ຮັບໂດຍອຳນາດການປົກຄອງບ້ານ 16 ບ້ານທີ່ນອນຢູ່ໃນແລວສາຍສົ່ງໄຟຟ້າດັ່ງກ່າວ ພ້ອມທັງຊ່ອງໜ້າກັບຄະນະກຳມະການຄຸ້ມຄອງແລວສາຍສົ່ງຂັ້ນເມືອງເຂົ້າຮ່ວມ.

      ໃນການມອບ-ຮັບເງິນຄ່າປົກປັກຮັກສາ, ຄຸ້ມຄອງເຂດກ້ອງແລວສາຍສົ່ງໄຟຟ້າ 500 ກິໂລໂວນຂອງ ບໍລິສັດ ໄຟຟ້າຫົງສາ ຈຳກັດ ໃນຄັ້ງນີ້ ແມ່ນມອບໃຫ້ອຳນາດການປົກຄອງ ແລະ ປະຊາຊົນພາຍໃນບ້ານທີ່ໄດ້ມີຄຸ້ມຄອງ ໂດຍມີການ ເຊັນສັນຍາຮ່ວມກັນກັນລະຫວ່າງບໍລິສັດ ກັບອຳນາດການປົກຄອງບ້ານ ໃນການປົກປັກຮັກສາ, ຄຸ້ມຄອງ ແລະ ບົວລະບັດຮັກສາ ອານາໄມຖາງຫຍ້າ ຕັດຕົ້ນໄມ້ ເຮັດແນວກັນໄຟ ໂດຍປີ 1 ທາງບໍລິສັດ ຈະໄດ້ມອບເງິນເປັນ 2 ງວດ ເຊິ່ງພາຍໃນເມືອງຊຽງຮ່ອນ ປະກອບມີ 16 ບ້ານທີ່ມີແລວສາຍສົ່ງຜ່ານຄື: ບ້ານ ດົງ, ບ້ານ ຫ້ວຍສະເຄັ່ງ, ບ້ານ ມົກສະຕຸ, ບ້ານ ຫ້ວຍຍວກ, ບ້ານ ດອນໄຊ, ບ້ານ ຂິ່ງ, ບ້ານ ຄໍ້າ, ບ້ານປົ່ງຄຳ, ບ້ານ ກູກ, ບ້ານ ດອນຕັນ, ບ້ານ ປ່າຫວ້ານ, ບ້ານ ດອນໄຈ, ບ້ານ ນໍ້າລ້ອມ, ບ້ານ ທົ່ງກາບ, ບ້ານ ສີນົກໄຊ້ ແລະ ບ້ານ ຫ້ວຍຕອງ ເປັນເງິນງວດທີ II ລວມເງິນທີ່ນຳມາມອບໃນຄັ້ງນີ້  ຈຳນວນ 54.829.000 ກີບ

        ຕອນທ້າຍ ທ່ານ ຄົມເພັດ ແກ້ວພິລາ ຍັງໄດ້ໂອລົມຕໍ່ກັບອຳນາດການປົກຄອງບ້ານໃນຄັ້ງນີ້ ຈົ່ງພ້ອມກັນສືບຕໍ່ເອົາໃສ່ ຄຸ້ມຄອງປົກປັກຮັກສາກ້ອງແລວສາຍສົ່ງ ບໍ່ໃຫ້ຫົກເຮື້ອ, ໃຫ້ມີຄວາມຮັບປະກັນບໍ່ໃຫ້ເກີດເຫດການຕ່າງໆທີ່ນອນຢູ່ໃນຂອບເຂດດັ່ງກ່າວ ເປັນຕົ້ນແມ່ນໄຟໃໝ້, ບຸກຄົນກໍ່ກວນ ແລະ ທ່ານຍັງແນະນຳໃຫ້ອຳນາດການປົກຄອງບ້ານ ໄປໃຫ້ແນະນຳໃຫ້ພໍ່ແມ່ປະຊາຊົນຂອງຕົນທີ່ເຮັດການຜະລິດຢູ່ໃກ້ກ້ອງແລວສາຍສົ່ງຕ້ອງໄດ້ຮັບປະກັນບໍ່ໃຫ້ເກີດເຫດການເກີດຂື້ນຢູ່ໃນກ້ອງແລວສາຍສົ່ງ ພ້ອມດຽວກັນນັ້ນທ່ານຍັງຮຽກຮ້ອງໃຫ້ອຳນາດການປົກຄອງບ້ານ ຈົ່ງນຳໃຊ້ເງິນທີ່ມອບໃນຄັ້ງນີ້ ນຳໃຊ້ເຂົ້າໃນການພັດທະນາບ້ານຂອງຕົນຕາມຄວາມເໝາະສົມ ແລະ ໃຫ້ເກີດດອກອອກຜົນ.

ໂດຍ: ດອນ ຂຽວພະນາ

 

ສະຫງວນລິຂະສິດ ©  2020, ເມືອງຊຽງຮ່ອນ ແຂວງໄຊຍະບູລີ.
ໂທ / ແຟັກ : 074 810003 .